Join us on Facebook

Please wait..20 Seconds

कुणास कळते ह्रदयाची कळ

कुणास कळते ह्रदयाची कळ
अपुले आपण असतो केवळ.

असे कसे हे अपुले नाते...
मला घाव अन् तुला कसे वळ?

कुठून आणू उसने मागुन
पुन्हा पुन्हा मी जगण्याचे बळ.

कितीक द्यावी स्पष्टीकरणे...
कितीक आपण काढावा पळ ?

तुला भेटुनी खरेच पटले ....
उगीच नव्हती माझी तळमळ .

तुला बिलगुनी आला वारा
इथे अचानक सुटला दरवळ!
कुणास कळते ह्रदयाची कळ कुणास कळते ह्रदयाची कळ Reviewed by Hanumant Nalwade on December 23, 2012 Rating: 5
Powered by Blogger.