पहाटेच्या मंद धुक्यात...
दारातल्या बकुळीच्या झाडाखाली...
प्रत्येक फुलाबरोबर....
एक एक आठवण वेचायची आहे....
मला पुन्हा एकदा तुझ्याच प्रेमात पडायचं आहे....

ऑफिस मधल्या कळकट कागदी धीगार्यातल्या...
एका छानशा गुलाबी पानावर....
तुझ्यावरच केलेली कविता लिहून...
तुला एक प्रेम पत्र धाडायचं आहे...
मला पुन्हा एकदा तुझ्याच प्रेमात पडायचं आहे....

आपल्या पिलाला आज थोड लवकर झोपवून...
सगळी काम जशीच्या तशी सोडून..
चांदण्यांनी गच्च भरलेल्या निशब्द आकाशाखाली....
सारी रात्र तुझ्याशी निवांत गप्पा मारत घालवायची आहे...
मला पुन्हा एकदा तुझ्याच प्रेमात पडायचं आहे...

संसाराच्या धावपळीतून..
अगदी थोडासा वेळ काढून...
तुझ्या केसांत हळुवार हात फिरवत...
बायकोची पुन्हा प्रेयसी व्हायचं आहे...
मला पुन्हा एकदा तुझ्याच प्रेमात पडायचं आहे....

गूगल ऐडवर्ड्स

 
Top